THE NORTH FACE ULTRATRAIL DU MONTBLANC
Abuztuaren
29 an Chamonix Ultratrail munduaren elkargune izan zen. Ultra World Tour- aren
barruan proba erregina, bereziena eta
izen handikoena.
Laisterketa
hontan parte hartzeko aurreko 2 urteetan distantzi luzeko 2 edo 3 laisterketa
(80-160 km )
bukatuak izan behar dituzu. Ondoren zozketa bat izaten da urtarrila
hasieran mundu osoko kirolarien artean,
2300 korrikalarik izaten duten bertan parte hartzeko “zortea”.
Chamonix da probaren hasiera eta helmuga,tartean 168 km eta hainbat mendi igo
eta jeitsi behar, 19.200 metroko desnibel metatu osatuz. 48 Orduko muga dago Frantzia, Italia
eta Suitza zeharkatzen dituen abentura hau osatzeko.
77 Nazioetako korrikalariak izan
ziren, erdiak Frantziarrak, atzetik Espainia, Italia, Ingalaterra, Japonia etb.
Proba honek duen fama eta antolakuntza bikainak tentaturik
zozketara izena eman nuen, urtarrila hasieran plaza bat tokatu zitzaidan, eta
orduantxe hasi nuen prestaketa.
Entrenamenduaren oinarria egunero Itziarko lantokira korrika
joatea izan da, asteburuetan saio luzeagoak eginez. Orotara 35 astetan 2435 km ( asteko
batazbestekoa 70 km )
izan dira korrika mendian, 86.436
m aldapa gora igoaz. Bolumen txikia maila hontako
erronka ondo egiteko,arriskatzeko, hortaz helburua lasai hartu eta zuhurtziaz
korrika egitea izan da, indarrak ondo neurtu jan eta edan ugari eginez. Oso garrantzitsua izan da buruz indartsu
jutea, motibatuta eta aurreko hilabete terdian laisterketa gogorrik ez izatea.
Inguru menditsu horretan ezinbesteko materiala eramatera
behartuta gaude antolakuntzaren arauei menpe eginez, bidean kontrolak egiten
dituzte hortarako.
Motxila batean emandakoak;
-Janari edana eta litro bat ur.
- Galtza luzeak eta euritako beste pare bat.
- Kamiseta manga luzea.
- Goretex jaka.
- Eskularru iragazkaitzak.
- Txapela edo buff-a.
- Txilibitua
-Emergentzi manta
- 2 Frontal eta hauen 2 pila joko ordezkoak.
-Zinta elástico edo esparadrapua.
- Karneta, 20 euro eta mobila.
Irteera- Chamonix – Arratseko 17:30
2 ordu daramatzat lurrean eserita jendetzaren artean, gero
megafoniatik esaten dute lehen 200 dortsalak irteera aurrean zona “vip” moduko
bat dutela, 174 dortsala naiz, korrikalari faboritoen ondoan jarri naiz
hasierako jende uholdea ekiditeko.
Arratsaldeko 17:30 eta jende asko kaleetan, Vangelis-en abesti
motibagarri batekin irteera aurreko minutuak hunkigarriak dira. Galdera bat
buruan, bukatuko ote dut? Momentuz euria hasi du eta horrela jarraituko du
ondorengo 3 orduetan.
Saint Gervais – km 21
Ikaragarrizko jendetza, animoak, musika, giro aparta benetan. Lehen hornidura
puntua eta hainbeste janari dago ze hartu ez dakidala. Bustita noa eta zerbait
epela honena, te beroa, fideo sopa, bizkotxo eta galletak. Hemendik aurrera
lainoteriaren ondorioz iluntasuna nagusitzen doa, gaua hurbilduz.
Giro bustia eta kamiseta blai, jaka Goretex-a jantzi dut
energia gutxiago xautzeko.
Col du Bonhomme - km 44,2 - 2439 m
Igoeraren azken zatian izarrak agertu dira, makilak astinduz
gora iritsi gara eta fresko dago, eskularruak jantzi eta behera ziztuan.
Les Chapieux – km 49,4
Jeitsiera azkarraren ostean hornidura postu bikaina.
Kamiseta aldatzea erabaki dut eta manga luzea jantzi, lepoan zapia eta
eskularruak. Gaua luze joango da eta datozen mendi gailurretan lehor joatea
atsegingarriagoa izango da.
Jateko sopa beroa, tea, gazta piskat ogiarekin, gailetak,
bizkotxoak, menu hauxe errepikatuko dut ia laisterketa osoan eta oso ondo izan
ditut tripak .
Courmayeur –km 77
Zeruan argitasuna ageri da, badator eguzkia.. hainbeste ordu
frontaleko argiari begira gogoa izaten da egun argia ikusteko. Erdibideko
atseden gunea nagusia, hemen deskantsurako legua dago, lo egiteko, dutxak,
makarroiak, lagunen edo entrenatzailearen asistentzia. Aurretik antolakuntzari
emandako gure zakua daukagu ( janaria, erropa,zapatilak etb ). Gune hauetan
bakoitzak ikusten du zenbat gelditu nahi duen, adibidez aurreko postuetan
doazenak 5-15 minutu erabiliko dituzte, nire kasuan erropa goitik behera
aldatu, mahaian lasai jan, luzaketa batzu egin, 30 min. Atzerago dabiltzanak,
lo egiten dutenak ba orduak. Oraindik asko falta da eta puntu hontan gehiegi
luzatu ezkero bigarren gauean korrika gehiago sufritu daiteke.
Bertone – Bonatti babesetxeak – km 82-90
Babes etxe historikoak, 2000 metroko altueran pista
politetan korrika eginez gozatu dut goizeko lehen orduetan. Ezkerrera begiratuz
Montblanc eta inguruko menditzarrak, glaziareak, paisaia ikusgarria mendi
zaleentzat. Bukeran Arnuvako bailara zulora 5 km behera.
Grand Col de Ferret – km 99 – 2525 m
Makilak erabiliz igoera gogorra, hauspoa beteta, geldialdi
txikiren bat arnasa hartu eta ura edateko. Gaina harrapatu eta 20 km behera, nire kasuan
beti esaten dut gora gustorago noala, behera oinak gehio sufritzen dutelako.
Zati honek indarrak dexente xahutu dizkit.
Champex Lakua –km 122,4
Praz de Fort etik igoera pikoa baten ostean hemen gara
hornidura puntuan, janari pilo bat baino betikoa jan dut, sabeleko arazorik ez
eta txakalaldi handirik ere ez, Kafea eta koka kola hobe ez edan esfortzu
garaian.
Parisko gazte batek esan dit orain datorrela zatirik
gogaikarriena, eta baita etorri ere, 2000 metro pasako 3 igoera eta jeitsiera piko,
izterrei errematea emateko bikaina.
Vallorcine – km 149,2
Bovine eta Catogne pasa ostean hornidura postua, bertan
Debako lagunak; Arkaitz Astiazaran, Mariaje Castro, Carli eta hauen alabak.
Poza eta indarra eman didate animoekin, benetan eskertzekoa. Azken mendiaren
zati bat Arkaitz eta Marije rekin egin nuen solasean, indartsu eta helmuga urre
urre ¡.
Azken hornidura, ura edan eta ziztuan behera, gaua da, Baso
bide batean behera, sustraiak, harriak, erreka txikiak, bide malkartsua, zaila
korrika jeisteko!.
Chamonix – km 168
Helmugarako azken metroak, alai, pozik, bideoetan hainbeste
aldiz ikusitako zatia, jendea afaltzen dago, garagardo bat edaten, txaloak,
umeak eskuak luzatzen, hunkigarria da. Gaueko 22:40 tan iritis naiz, 29 ordu
eta 12 minutuko saioa eginda, 88. postuan, oso gustora. Helmugan ez dut familia
baino bihotzean daramatzat, etxean familia eta lagunak watsap talde batean
jarraipena egiten ibili dira, argazkiak, animoak, ze polita!.
Bukatu ostean dardarka hasi naiz, hotza, ahuldadea, logurea,
motxilan dudan erropa guztia jantzi eta dutxa beroaren bila abiatu naiz.
Kiroldegira iristean lurruna eta ur beroa, preziorik ez duen plazer momentua,
Horrelako proba bereziek bizipoza ematen dute urte osorako,
goizean jeiki eta entrenatzeko aitzakia, ilusioa,, Bakoitzak ahal duen einean
jar dítzala erronka txikiak eta berauek lortzen saiatu dadila, gora kirola!.
Igon Mancisidor
Irabazleak
Gizonak
1- Francois D Haene – 20 h 11 min.
2- Iker Karrera – 20 h 55 min.
3- Tofol Castañer – 20 h 55 min.
Emakumeak
1-Rory
Bosio – 23 h 23 min.
2- Nuria
Picas – 24h 54 min.
3- Nathalie Mauclair – 25 h 47 min
No hay comentarios:
Publicar un comentario